Dongeng

Dongéng atawa dangiang mangrupa salah sahiji golongan carita dina wangun prosa (lancaran).Nilik wandana jeung eusina dongéng téh kaasup rékaan baheula.Ilaharna dongéng téh pikeun barudak.Patempatan anu jadi latarna mindeng tétéla gambaran kaayan baheula, tokoh-tokohna henteu manusa wungkul, tapi ogé sasatoan, buta, atawa mahluk séjénna.Corak rékaan heubeul anu mindeng ngolah siloka atawaalegori pikeun mungkus téma.

Ciri-ciri Dongeng

1. Mangrupa karya sastra dina wangun lancaran atawa prosa.

2. Teu aya pangarangna

3. Caritana biasana pamohalan atanapi teu asup ku akal

4. Palaku dongeng bisa naon wae

5. Disebarkeun kulisan warga satempat

Dihandap ieu dijentrekeun rupa-rupa dongeng anu aya jeung contona :

1. Fabel nyaeta rupa dongeng anu eusi caritana ngagambarkeun budi pekerti atawa watak jelema anu diibaratkeun kana sasatoan, tatangkalan atawa barang. Contona dongeng fabel nyaeta saperti kancil maling bonteng, monyet jeung kuya, si kancil jeung buhaya.

2. Parabel nyaeta rupa dongeng anu eusi caritana pikeun nepileun ajaran agama, moral, atawa kabeneran ku ngagunakeun ibarat atawa perbandingan. Umpama dina fabel, dina ngaibaratkeun teh sok ngagunakeun sasatoan, tatangkalan atawa barang, dina parabelmah, ngibaratkeunana teh ngagunakeun jalma anu dianggap mahiwal atawa beda tibatur. Carita anu aya dina parabel loba pikaserieun, tapi ngandung atikan. Contoh dongeng parabel nyaeta saperti dongeng si kabayan, atawa saduran ti nagara sejen saperti dongeng abu nawas, si congcorang, jeung nasarudin.

3. Mite nyaeta rupa dongeng anu nyaritakeun lalampahan hiji jalma anu ku masarakat dianggap karamat. Carita anu aya dina mite miboga latar jaman baheula, anu ngandung tafsir ngeunaan alam semesta sarta mahhluk nu aya dijerona, sarta dianggap bener-bener kajadian anu ngarang eta carita atawa ku oanganutna. Contona seperti dongeng maung kajajaden jeung dongeng ngipri.

4. Sasakala atawa disebut oge legenda, nyaeta rupa dongeng nu eusi caritana dipercaya ku penduduk satempat yen carita eta teh bener-bener kungsi aya atawa kajadian, tapi ddongeng sasakalah mah henteu dianggap suci atawa sakral saperti mitos atawa mite. Conto dongeng sasakala situ bagendit jeung sasakala situ patenggang. 

5. Sage nyaeta rupa dongeng anu eusi caritana aya hubunganana jeung catita sejarah. Carita nu aya dina dongeng sage, biasana nyaritakeun carita saperti ngeunaan kapahlawanan, kawanian, kasaktian sarta kaajaiban hiji jalma. Conto dongeng sage nyaeta saperti dongeng prabu siliwangi jeung dongeng dipati ukur.

Tugasnya baca dan komen dibawah dengan cantumkan NAMA,KELAS DAN JURUSAN DENGAN JELAS !!!