LANJUTAN MATERI BIANTARA

 

TONG HILAP MATERINA DIBACA LEUWIH ALUS LAMUN DICUTAT DINA BUKU, TULIKEUN DIKOLOM KOMENTAR NAMI, KELAS, LAN JURUSAN! ATURNUHUN J

Lanjutan materi nu kamari

Caturangga, nyaeta kaweruh pikeun mikanyaho hade gorengna watek kuda pikeun diingu. Contona:

1.      Wisnu murti

(Watek kuda anu hade lantaran mawa bagja ka nu boga. Cirina nyaeta sakabeh warna bulu kuda nu hideung meles).

2.      Satria Tinayungan

Watek kuda anu hade, matak mulya ka nu ngingu. Tandana kukulinciran dina tonggong handapeun sela belah hareup.

3.      Sekar panggun

Watek kuda anu hade, matak loba rejeki ka nu ngingu. Tandana buli suku kuda ti handap nepi kana tuurna, opatannana warna bodas.

4.      Sumur Bandung

Watek kuda anu hade, matak 0loba rejeki. Tandana kukulinciran dina tarang kuda.

5.      Buaya ngangsar

Watek kuda anu goreng, dibawa meuntas dinaleuwih sok tikerelep, dina parung sok depa. Tandana kukulinciran dina beuteung belah tukang.

6.      Tumpur ludes

Watek kuda anu goreng, matak sangasara ka nu ngingu. Tandana kukulinciran dina beuteung belah hareup.

7.      Turup layuan

Watek kuda anu goreng, matak pikasieuneun. Tandana kukulinciran dina tonggong kuda, kandapeun sela belah hareup.

 

Panayaraman, nyaeta runtuyan kecap-kecap atawa omongan anu eusina panyarek sangkan ulah milampah hiji pagawean. Lamun dipilampah, bakal aya mamalana atawa balukarna.

Contona :

1.      Ulah diuk dina lawang panto, bisi nongtot jodo.

Lawang panto the paranti kaluar asup jalma, tempat lalar liwat. Lamun urang diuk dina lawang panto, tangtu ngahalangan batur. Sangkan henteu kitu, nya disingsieunan ku panyaraman nongtot jodo atawa jomblo.

2.      Ulahdahar endog kulub, bisi budakna bisulan.

Endog kulub ngandung zat nu mnatak nimbulkeun bisul. Saenyana lain teu meunang dahar endog kulub ngan ulah rea teuing. Lamun nu kakandungan dahar endog kulub rea teuing, balukarna aya pangaruhna ka budak jadi bisulan.

 

Babasan jeung Paribasa

            Dina biantara teh sok kapanggih ungkaran kalimah anu direumbeuy ku babasan jeung paribasa.  Titenan geura ungkatra ieu dihandap!

1.      Puguh asa bucat bisul, jalaran sim kuring tiasa lebet ka SMA favorit.

2.      Dina alam kasajagatan (globalisasi) kiwari, urang Sunda teh kudu carincing pageuh kancing, saringset pageuh iket.

 

Dina kalimah (1) di luhur teh aya babasan asa  bucat bisul. Hartina eta babasan teh nyaeta ngarasa bungah lantaran geus rengse ngalangkahkeun hiji pagawean atawa kagiatan. Ari dina kalimah (2) di luhur mah aya paribasa caringcing pageuh kancing, sanringset pageuh iket. Hartina eta paribasa teh nyaeta saged atawa siap nyanghareupan pagawean.

      Babasan jeung paribasa teh kaasup kana kabeungharan basa Sunda. Babasan teh nyata ungkaran basa dina wangun kecap atawa frasa anu hartina jeung maksudna geus matok sarta ngandung harti injeuman. Ari paribasa mah nyaeta ungkaran basa dina wangun kalimah amu hartina jeung maksudna geus matok sarta nagndung hartina babandingan minagka silokaning hirup manusa.

a.       Disawang tina maksud nu dikandungna, paribasa teh bisa dibagi jadi tilu rupa, nayeta ; paribasa wawaran luang, anu eusina mangruapa pangalaman nu geus lumrah di masarakat sarta bisa dipake babandingan laku lampang urang. Contona ;

(3) Asa ditonjok congcot = narima barang nu geus lila dipikayang bari teu disangka-sangka.

(4)  Banda talangan raga = ulah lebah dina ngagunakeun harta benda piekun kasalametan awak urang.

(5) Dipiamis buah gintung = jalma nu dipisobat, ari heg kalah nyilakakeun.

b.      Paribasa pangjurung laku alus, anu eusina mangrupa panganjurung sangkan malimpah kaalusan sangkan hirup salmet. Contona :

(6) Kudu babalik pikir = kudu robah adat, tina milampah goreng jadi milampah hade.

(7) Kudu bodo alewoh = lamun urang teu nyaho, kudu daek tatanya.

(8) Kudu beak dengkak = dina ngahontal hiji maksud, urang kudu ngajalankeun rupa-rupa cara atawa tarekah.

c.       Paribasa panyaram lampah salah, anu eusi ngahalangan kana lampah salah atawa kalakuan goreng anu bisa mawa kana cilaka. Contona :

(9) Ulah bengkus bekas nyalahan = ulah nepi ka kajadian, ari keur budak hade kalakuan, ari geus kolot jadi goreng.

(10) Ulah biwir nyiru rombengeun = ulah sok resep nyaritakeun rusiahh atawa kagorengan batur.

(11) Ulah kabawa ku sakaba-kaba  = ulah milampah pagawean lantaran ku pangaruh anu teu pararuguh.

Babasan jeung paribasa the kaasup kana tradisi lisan, anu digelarkeun ku masarakat dina basa lisan. Sok sanajan kitu, kiwari mah babasan jeung paribasa teh geus rea nu dubukukeun. Upamana wae : 700 Paribasa Sunda (R. Maskar Gandasudirja, 1977), Kumpulan Babasan jeung Paribasa Sunda (H. I. Buldan Djayawiguna, 1983), Babasan jeung Paribasa Sunda (Samsudin, 1984), 100 Paribasa jeung Babasan (Mas Natawisastra, 1984), 1000 Babasan & Paribasa (Budi Rahayu Tamsyah,  1998), Babasan & Paribasa (Ajip Rosidi, 2005), Babasan jeung Paribasa Sunda (Tatang Sumarsono, 2007), Ungkapan Tradisional Jawa Barat (Tim Panyusun Disbudpar Jabar, 2008), jeung Pakeman Basa (Yayat Sudaryat, 2017).