MATERI LANJUTAN WAWACAN

 

LANJUTAN MATERI WAWACAN KAMARI

Upamana panyungsi sajarahna, horeng wawacan teh karya sastra nu asalna ti Jawa. Asup ka urang Sunda teh keur jaman karajaan Mataram. Ku lantaran kitu, atuh eusi wawacan ge lolobana nyaritakeun ngeunaan kahirupan menak atawa raja-raja baheula. Atuh basa anu digunakeunana ge basa Sunda baheula. Mantak ulah heran mun loba kekecapan anu teu kaharti ku hidep.

Maca wawacaan teh aya eusina, disebut seni beluk. Maca wawacan disebut ngabeluk. Ngabeluk teh nyaeta seni maca wawacan ku sababaraha urang. Dina prakna, naskah wawacan teh aya nu dibaca, aya oge anu dihaleungkeun luyu jeung lagu pupuhna. Kituna teh teu dipirig ku kacapi jeung suling, cukup we ngandelkeun olah vocal.

Seni beluk biasana ditanggap dina acara hajatan, salametan, jeung ngaruwat. Aya sawatara wawacan anus ok dibelukkeun, di antarana: “Wawacan Ogin”, “Wawacan Ahmad Muhammad”, “Wawacan Sulanjana”, “Wawacan Layang Syeh”.

Rea keneh wawacan sejenna, di antarana wae, (1) Wawacan babar Nabi, (2) wawacan paras Adam, (3) babad Mekah, (4) sajarah Ambiya, (5) Wawacan paras Nabi, (6) Wawacan Abdullah, (7) Carita Kanjeng Nabi, (8) Wawacan Patimah, (9) Wawacan Rawi Mulud, (10) Sajarah Lampahing Para Wali Kabeh, (11) Sajarah Sunan Gunung Jati, (12) Sajarah Para Olia, (13) Babad Cirebon, (14) Wawacan Wali Sanga, (15) Wawacan Nusa Jaladri, (16) wawacan Samaun, (17) Wawacan Nata Kusuma, (18) Wawacan Budiman, (19) Abdurrahman Jeung Abdurrahim, (20)  wawacan Gandawedaya (21) wawacan gandasari, (22) Wawacan Amir hamzah (23) Wawacan Gagak Lumayung, (24) Babad Godog (25) carita Sunan Rahmat, (26) Wawacan Walangsungsang, (27) Wawacan Rasantang, (28) Wawacan Amir Hamzah, (29) Wawacan Lokayanti, (30) Wawacan Umar Maya.

Sakitu wae catetan dinten ieu tong hilap dicatete dina buku lan absen dina kolom komentar siga biasanan! Aturnuhun sadayana J