GUGURITAN JEUNG PUPUH

 TONG HILAP MATERINA DIBACA LEUWIH ALUS LAMUN DICUTAT DINA BUKU, TULIKEUN DIKOLOM KOMENTAR NAMI, KELAS, LAN JURUSAN! ATURNUHUN J

GUGURITAN JEUNG PUPUH

Lian ti wawacan, dina karya sastra Sunda aya oge nu disebut guguritan. Guguritan ge ditulisna make patokan pupuh. Istilah “guguritan”asalna tina kecap gurit (Sansekerta: grath ‘nyusun karangan’). Guguritan, anu oge disebut dangding  teh karangan wangun ugeran (puisi) anu pondok nu disusun dina hiji wadah pupuh. Eusina nyaritakeun hiji kajadian, kaayaan alam atawa rarasaan (poko pikiran) nu ngarangna. Disebut pondok, lamun wanguna dibandingkeun jeung wawacan. Ku lantaran pondok, pupuh dina guguritan mah tara gunta-ganti kawas dina wawacan. Sakapeung ngaran pupuhna sok dipake judul guguritan. Upamana wae guguritan “Asmarandana Lahir Batin” karya R.A. Bratawijaya, “Dangdanggula Laut Kidul” karya Kalipah Apo, jtse.

Antara wawacan, guguritan, jeung pupuh teh aya patalina. Geura urang tengetan table ieu di handap.

No	Guguritan	Wawacan
1.	Karangan wangun ugeran (puisi).	Karangan wangun ugeran (puisi).
2.	Ukuranana pondok.	Ukuranana panjang.
3.	Diwangun ku hiji wanda pupuh.	Diwangun ku rupa-rupa wanda pupuh
4.	Henteu ngagalur jadi carita.	Ngagalur jadi carita.
5.	Wanda pupuh sering jadi judul.	Wanda pupuh henteu jadi judul sabab nu dipakena rupa-rupa pupuh.

 

Eusi guguritan teh umumna mangrupa (1) papatah (piwulung), (2) kaedahan alam, (3) rasa cinta lemah cai, (4) pangalaman kabatinan, (5) musibah alam, (6) rasa kanyaah kolot ka anak, jeung (7) rasa sedih.

Guguritan Piwulung: “Piwulung Eyang” (A.Karta Winata), “Wasiat” (Mas Atmadisastra), “ Asmarandana Lahir Batin” (R.A. Bratawidjaja), “ Wulang Karma” (H. Muhamad Musa), jeung “Wulang guru” (H. Muhamad Musa).

Guguritan Kaendahan Alam: “Ulin Dinten Minggu” (A. Prawira), “Guguritan Laut Kidul” (Kalipah Apo), “Ngalayunh ka Tungtung Lembur” (M.A. Salmun), “ Disisi Talaga” (M.A. Salmun), “Di Jalan Tasik-Garut” (R. Sastrahadiprawira), Ngalantung di Empang Purwakarta” (O. Suriadiwidjaja), jeung “ Titinggalan di Puncak Gunung” (Warsih).

Guguritan Cinta Lemah Cai: “Inget ka Jaman Baheula” dan “Bali Geusan Ngajadi” (M.A. Salmun).

Guguritan Kahirupan: “ Patani” (S. Natamiharja), “ Titis Tulis”, “Pamayangan”, “Nagwuluku”,  jeung “Tukang Gula”  (M.A Salmun).

Guguritan Musibah: “Kiamat Leutik” (Tubagus Djajadilaga).

Guguritan Rasa Sayang Orang Tua pada Anak: “Aoseun Saha?” (Sumitadikarta).

Gugurita Kasedihan: “Kasedihan nu Kakara Ngumbara” (A. Sukarja) jeung “Leungiteun Bapa” (R. Memed Sastrahadiprawira)

Dina sastra Sunda, pupuh teh sok dipake ngarang guguritan jeung wawacan. Pupuh jadi dadasar tina nyusun guguritan jeung wawacan. Ari nu disebut pupuh teh nyaeta puisi kauger (bogapatokan; katangtuan) ku guru lagu, guru wilangan, jeung jumlah padalisan dina sapadana. Guru lagu teh nyaeta guru sora (vocal) dina engang panugtung kecap unggal padalisan. Ari guru wilangan nyaeta jumlah lobana engang dina unggal padalisan. Aya deui guru gatra, nyaeta jumlah pada dina guguritan atawa awawacan.

Nilik kana wangunna, jumlah pupuh teh aya 17. Pupuh anu pamindengna dipake ngaran guguritan teh, diantara wae, Kinanti, Sinom, Asmarandana, jeung Dangdanggula.  Sok disingget jadi KSAD. Ku kituna, eta opat pupuh teh sok disebut Sekar Ageng, ari sesana sok disebutna Sekar Alit. Unggal pupuh mibanda watek jeung patokan anu beda-beda anu diluyukeun kana cara ngahariringkeunana.

Tipe	Wanda Pupuh	Watek Pupuh	Aturan Guru Lagu jeung Guru Wilungan
SEKAR AGEUNG	Kinanti	Prihatin, harepan, nganti-nganti	8-u, 8-i, 8-a, 8-i, 8-a, 8-i
	Sinom	Rasa gumbira, senang tur nasehat	8-a, 8-i, 8-a, 8-i, 7-i, 8-u, 7-a, 8-i, 12-a
	Asmarandana	Cinta, silih asih jeung nasehat	8-i, 8-a, 8-o,/e, 8-a, 7-a, 8-u, 8-a
	Dangdanggula	Kabungah, Kaagungan	10-i, 10-a, 8e/o, 7-u, 9-i, 7-a, 6-u
SEKAR ALIT	Balakbak	Pikaserieun, pikalucueun	12-a, 3-e, 12-a, 3-e, 12-a, 3-e
	Durma	Ambek, pasea, gelut, perang.	12-a, 7-i, 6-a, 7-a, 8-i, 5-a, 7-i
	Gambuh	Tumbuh laku, samar pola, bungung.	7-u, 10-u, 12-i,8-u, 8-o
	Gurisa	Pikaserieun, pikalucueun.	8-a, 8-a, 8-a, 8-a, 8-a, 8-a, 8-a, 8-a
	Jurudemung	Rasa kaduhung atawa hanjakal.	8-a, 8-u, 6-i, 8-a, 8-u
	Ladrang	Pikaserieun, pikalucueun.	10-i, 8-a, 8-i, 12-a
	Lambang	Pikaserieun, pikalucueun.	8-a, 8-a, 8-a, 8-a
	Magatru	Pikaserieu, prihatin.	12-u, 8-i, 8-u, 8-i, 8-o
	Maskumambang	Pikaseriueun, pikalucueun.	12-i, 6-a, 8-i, 8-a
	Mijil	Rasa sedih, tiiseun, cilaka.	10-i, 6-o, 10-e, 10-i, 6-I, 6-u
	Pangkur	Tatahar rek gelut, rek perang, rasa ngambek.	8-a, 11-I, 8-u, 7-a, 12-u, 8-a, 8-i
	Pucung	Piwuruk, wawaran, kakaget.	12-u, 6-a, 8-e/o, 12-a
	Wirangrong	Rasa era, wiring, apes, jeung rugi.	8-i, 8-o, 8-u, 8-i, 8-a, 8-a